har saans men khud apane na hone kaa gumaan thaa
vo saamane aae to mujhe hosh kahaan thaa
karatii hain ulaT-fer yoonhii un kii nigaahen
kaabaa hai vahiin aaj sanam-khaanaa jahaan thaa
taksiir-e-najr dekhane vaalon kii hai varnaa
un kaa koii jalvaa n ayaan thaa na nihaan thaa
badalii jo jraa chashm-e-mashiiyat koii dam ko
har samt bapaa mahashar-e-friyaad-o-fugaan thaa
lapakaa hai bagoolaa saa abhii un kii taraf ko
shaayad kisii majaboor kii aahon kaa dhuvaan thaa
'anavar' mere kaam aaii kyaamat men nadaamat
rahamat kaa takaajaa meraa har ashk-e-ravaan thaa.
Subscribe to:
Post Comments (Atom)
No comments