paidaa koii raahii koii rahabar nahii hotaa
be husn-e-amal koii bhii badatar nahii hotaa
sach bolate rahane kii jo aadat nahii hotii
is tarah se jkhmii ye meraa sar nahii hotaa
kuchh vasf to hotaa hai dimaagon dilon men
yoon hi koii sukaraat v sikandar nahii hotaa
dushman ko duaa de ke ye duniyaa ko bataa do
baahar kabhii aape se samundar nahii hotaa
vah shakhs jo khushboo hai vah mahakegaa abad tak
vah kaid maaho saal ke andar nahiin hotaa
un khaanaa badoshon kaa vatan saaraa jahaan hai
jin khaanaabadoshon kaa koii ghar nahiin hotaa
Subscribe to:
Post Comments (Atom)
No comments