kuchh hijr ke mausam ne sataayaa nahiin itanaa
kuchh ham ne teraa sog manaayaa nahiin itanaa
kuchh terii judaaii kii ajiyyat bhii kaDii thii
kuchh dil ne bhii gm teraa manaayaa nahiin itanaa
kyoon sab kii tarah bhiig gaii hain terii palaken
ham ne to tujhe haal sunaayaa nahiin itanaa
kuchh roj se dil ne terii raahen nahiin dekhiin
kyaa baat hai too yaad bhii aayaa nahiin itanaa
kyaa jaanie is be-sar-o-saamaanii-e-dil ne
pahale to kabhii ham ko rulaayaa nahiin itanaa.
Subscribe to:
Post Comments (Atom)
No comments