ek sookhii haDDiyon kaa is taraf ambaar thaa
aur udhar us kaa lachiilaa gosht ik diivaar thaa
rel kii paTarii ne us ke TukaDe TukaDe kar die
aap apanii jaat se us ko bahut inkaar thaa
log nangaa karane ke dar pe the mujh ko aur main
be-sarosaamaaniyon ke nashshe men sarashaar thaa
mujh men khud merii adam-e-maujoodagii shaamil rahii
varnaa is maahaul men jiinaa bahut dushvaar thaa
ek jaaduii chhaDii ne mujh ko gaaeb kar diyaa
main ki alf-e-lailaa ke kisse kaa aham kiradaar thaa
Subscribe to:
Post Comments (Atom)
No comments