lab pe kaanTon ke hai friyaad-o-bukaa mere baad
koii aayaa hii nahiin aabalaa-paa mere baad
mere dam tak hii rahaa rabt-e-nasiim o rukh-e-gul
nikahat-aamej nahiin mauj-e-sabaa mere baad
ab n vo rang-e-jabiin hai n bahaar-e-aarij
laalaa-rooyon kaa ajab haal huaa mere baad
chand sookhe hue patte hain chaman men raksaan
haae begaanagii-e-aab-o-havaa mere baad
munh dhulaatii nahiin gunchon kaa uroos-e-shabanam
gard-aalood hai kaliyon kii kbaa mere baad
aadamiyyat-shikanii bhii to nahiin kam 'anavar'
Dar hai kuchh aur n ho is ke sivaa mere baad
Subscribe to:
Post Comments (Atom)
No comments