aayaa hoon sang o khisht ke ambaar dekh kar
khauf aa rahaa hai saayaa-e-diivaar dekh kar
aankhen khulii rahii hain merii intijaar men
aae n khvaab diid-e-be-daar dekh kar
gm kii dukaan khol ke baiThaa huaa thaa main
aansoo nikal paDe hain khriidaar dekh kar
kyaa ilm thaa fisalane lagenge mere kdam
main to chalaa thaa raah ko ham-vaar dekh kar
har koii paar-saaii kii umdaa misaal thaa
dil khush huaa hai ek gunah-gaar dekh kar.
Subscribe to:
Post Comments (Atom)
No comments