rahate hue kriib judaa ho gae ho tum
bandaa-navaaj jaise khudaa ho gae ho tum
majabooriyon ko dekh ke ahal-e-niyaaj kii
shaayaan-e-aitabaar-e-jafaa ho gae ho tum
hotaa nahiin hai koii kisii kaa jahaan rafiik
un manjilon men raah-numaa ho gae ho tum
tanhaa tumhiin ho jin kii mohabbat kaa aasaraa
un be-kason ke dil kii duaa ho gae ho tum
de kar naved-e-nagmaa-e-gm saaj-e-ishk ko
TooTe hue dilon kii sadaa ho gae ho tum
'anavar' gunaah-gaar o khtaa-vaar hii sahii
sar-taabaa-paa ataa hii ataa ho gae ho tum
Subscribe to:
Post Comments (Atom)
No comments