numoo-pajir hoon har dam ki mujh men dam hai abhii
miraa makaam hai jo bhii vo mujh se kam hai abhii
taraash or bhii apane tasavvur-e-rab ko
tire khudaa se to behatar miraa sanam hai abhii
nahiin hai gair kii tasbiih kaa koii imkaan
mire labon pe to jikr-e-manam manam hai abhii
‘turaab’ kahaan hotaa hai ye khudaa kaa khlaa
mire vajood ke andar kahiin adam hai abhii
Subscribe to:
Post Comments (Atom)
No comments