tu bhii to ek lafj hai ik din mire bayaan mein aa
mere yakiin men gasht kar merii had-e-gumaan men aa
niindon men dauDtaa huaa terii taraf nikal gayaa
too bhii to ek din kabhii mere hisaar-e-jaan men aa
ik shab hamaare saath bhii khanjar kii nok par kabhii
larjiidaa chashm-e-nam men chal jalate hue makaan men aa
narge men doston ke too kab tak rahegaa surkh-roo
nejaa-b-nejaa doo-b-doo-safhaa-e-dushmanaan men aa
ik roj fikr-e-aab-o-naan tujh ko bhii ho jaan-e-jahaan
kaus-e-abad ko toD kar is arsaa-e-jiyaan men aa
Subscribe to:
Post Comments (Atom)
No comments