aa dekh ki mere ansuoñ mein
ye kis kaa jamaal aa gaya hai
abhī sahīfa-e-jāñ par raqam bhī kya hoga
abhī to yaad bhī be-sāḳhta nahīñ aai
agar sach itnā zālim hai to ham se jhuuT hī bolo
hameñ aatā hai patjhaḌ ke dinoñ gul-bār ho jaanā
baḌe tābāñ baḌe raushan sitāre TuuT jaate haiñ
sahar kī raah taknā tā-sahar āsāñ nahīñ hotā
baḌe tābāñ baḌe raushan sitāre TuuT jaate haiñ
sahar kī raah taknā tā sahar āsāñ nahīñ hotā
bas ek baar manāyā thā jashn-e-mahrūmī
phir us ke baad koī ibtilā nahīñ aa.ī
be-navā haiñ ki tujhe saut-o-navā bhī dī hai
jis ne dil toḌ diye us kī duā bhī dī hai
bolte haiñ diloñ ke sannāTe
shor sā ye jo chār-sū hai abhī
bujhī huī haiñ nigāheñ ġhubār hai ki dhuāñ
vo rāsta hai ki apnā bhī naqsh-e-pā na mile
dil ke vīrāne meñ ghūme to bhaTak jāoge
raunaq-e-kūcha-o-bāzār se aage na baḌho
ek ā.īna rū-ba-rū hai abhī
us kī ḳhushbū se guftugū hai abhī
gul par kyā kuchh biit ga.ī hai
albelā jhoñkā kyā jaane
haath kāñToñ se kar liye zaḳhmī
phuul bāloñ meñ ik sajāne ko
hamāre shahr ke logoñ kā ab ahvāl itnā hai
kabhī aḳhbār paḌh lenā kabhī aḳhbār ho jaanā
hazār kos nigāhoñ se dil kī manzil tak
koī qarīb se dekhe to ham ko pahchāne
hoñToñ pe kabhī un ke mirā naam hī aa.e
aa.e to sahī bar-sar-e-ilzām hī aa.e
huā yuuñ ki phir mujhe zindagī ne basar kiyā
koī din the jab mujhe har nazāra hasīñ milā
jis kī bātoñ ke fasāne likkhe
us ne to kuchh na kahā thā shāyad
jis kī jānib 'adā' nazar na uThī
haal us kā bhī mere haal sā thā
jo charāġh saare bujhā chuke unheñ intizār kahāñ rahā
ye sukūñ kā daur-e-shadīd hai koī be-qarār kahāñ rahā
jo dil meñ thī nigāh sī nigāh meñ kiran sī thī
vo dāstāñ ulajh ga.ī vazāhatoñ ke darmiyāñ
kāñTā sā jo chubhā thā vo lau de gayā hai kyā
ghultā huā lahū meñ ye ḳhurshīd sā hai kyā
kaTta kahaa tavīl thā raato ka silsila
sūraj miri nigaah ki sachchaiyon mei tha
ḳhāmushī se huī fuġhāñ se huī
ibtidā rañj kī kahāñ se huī
ḳhalish-e-tir-e-be-panaah gai
lījiye un se rasm-o-raah gai
ḳhazīne jaañ ke luTāne vaale diloñ meñ basne kī aas le kar
sunā hai kuchh log aise guzre jo ghar se aa.e na ghar ga.e haiñ
kin manziloñ luTe haiñ mohabbat ke qāfile
insāñ zamīñ pe aaj ġharīb-ul-vatan sā hai
koī baat ḳhvāb-o-ḳhayāl kī jo karo to vaqt kaTegā ab
hameñ mausamoñ ke mizāj par koī e'tibār kahāñ rahā
koī taa.ir idhar nahīñ aatā
kaisī taqsīr is makāñ se huī
kuchh itnī raushnī meñ the chehroñ ke aa.ine
dil us ko DhūñDhtā thā jise jāntā na thā
log be-mehr na hote hoñge
vahm sā dil ko huā thā shāyad
maiñ āñdhiyoñ ke paas talāsh-e-sabā meñ huuñ
tum mujh se pūchhte ho mirā hausla hai kyā
matā-e-dard parakhnā to bas kī baat nahīñ
jo tujh ko dekh ke aa.e vo ham ko pahchāne
mizāj-o-martaba-e-chashm-e-nam ko pahchāne
jo tujh ko dekh ke aa.e vo ham ko pahchāne
na bahlāvā na samjhautā judā.ī sī judā.ī hai
'adā' socho to ḳhushbū kā safar āsāñ nahīñ hotā
riit bhī apnī rut bhī apnī
dil rasm-e-duniyā kyā jaane
sab se baḌā fareb hai ḳhud zindagī 'adā'
is hīla-jū ke saath haiñ ham bhī bahāna-sāz
tū ne mizhgāñ uThā ke dekhā bhī
shahr ḳhaali na thā makīnoñ se
varna insaan mar gayā hota
koī be-naam justujū hai abhi
vo kaisi aas thi adā jo kū-ba-kū liye phirī
vo kuchh to thā jo dil ko aaj tak kabhū milā nahīñ
vo tishnagī thī ki shabnam ko hoñT tarse haiñ
vo aab huuñ ki muqayyad guhar guhar meñ rahūñ
Subscribe to:
Post Comments (Atom)
No comments