lutf kya hai be-khudee ka jab maza jaata raha
yoon na maanoon main magar saagar to samajhaata raha
taaq se meena utaara paanv mein lagzish huee
kee na saaqee se baraabar aankh sharamaata raha
mujh sa ho mazaboot dil tab may-kashee ka naam le
mohatasib dekha kiya majaboor jhallaata raha
kya karoon aur kis tarah is be-qaraaree ka ilaaj
yaar ke kooche mein bhee too dil ko bahalaata raha
naujavaan qaatil ko achchhee dil-lagee haath aa gaee
jab talak kuchh dam raha bismil ko thukaaraata raha
‘shaad’ vaqt-e-naz tha khaamosh lekin der tak
naam rah rah kar kisee ka zer-e-lab aata raha
Subscribe to:
Post Comments (Atom)
No comments