apanii zulfo.n ko sitaaro.n ke havaale kar do
shahar-e-gul baadaagusaaro.n ke havaale kar do
talKhi-e-hosh ho yaa mastii-e-idaraak-e-junuu.N
aaj har chiiz bahaaro.n ke havaale kar do
mujh ko yaaro na karo rah_numaao.n ke supurd
mujh ko tum rah_guzaaro.n ke havaale kar do
jaagane vaalo.n kaa tuufaa.N se kar do rishtaa
sone vaalo.n ko kinaaro.n ke havaale kar do
merii taubaa kaa bajaa hai yahii ejaaz "Adam"
meraa saaGar mere yaaro.n ke havaale kar do
[bajaa = proper; ejaaz = respect; saaGar = wine cup]
[baadaagusaaro.n = drunkards]
[rah_numaa = guide; supurd = in the care of]
[rah_guzaar = road/traveller]
[talKhii-e-hosh = bitterness of reality]
[idaraak-e-junuu.N = madness of the mind]
Subscribe to:
Post Comments (Atom)
No comments