zindaa huu is tarah ki Gam-e-zindagii nahi
jalataa huaa diyaa huu magar roshanii nahi
wo muddate huii hain kisii se judaa hue
lekin ye dil ki aag abhii tak bujhii nahii.n
aane ko aa chukaa thaa kinaaraa bhii saamane
Khud usake paas merii hii nayyaa gaii nahi
hoTo.n ke paas aaye hansii , kyaa majaal hai
dil kaa muaamalaa hai koii dillagii nahi
ye chaand ye havaa ye fizaa, sab hai maand maand
jo tuu nahi to in mein koii dil-kashii nahi
Subscribe to:
Post Comments (Atom)
No comments