gairat mand parindon yoon hee hava mein udate jaate ho
jab ho daana dunaka chugana tab dharatee pe aate ho
manamaanee aur talkh bayaanee se kyon sach jhuthalaate ho
khud kee jhoothee kasamen kha kar jeete jee mar jaate ho
tera mera tarke-taallluk beshak ek hakeekat hai
tum phir bhee jaane anajaane khvaabon mein aa jaate ho
jaanate ho tum ishk mohabat tapata aag ka sehara hai
isee lie tum paanv barehana chalane se kataraate ho
chalo kadam do aage rakho main bhee thoda badhata hoon
pyaar hai to izahaar karo kyon be vajah sharamaate ho
hamane to tanhaee main taaron se baate karanee hai
chaand hamaare raaz kee baate sun ne kyon aa jaate ho
Subscribe to:
Post Comments (Atom)
No comments