mom ke jism mein ek dhaaga saja rakha hai
khud ko sham kee tarah mainne jala rakha hai
poochhata rahata hoon main apane khuda se aksar
mere maalik yah bata duniya mein kaya rakha hai
apane haathon se taraasha hai sanvaara hai use
hamane ik apana khuda khud hee bana rakha hai
main jinake vaaste dar- dar bhatakata phirata hoon
unako khaabon mein khayaalon mein basa rakha hain
main jinakee yaad mein aksar bujha -sa rahata hoon
unheen ko rooh kee saanson mein jala rakha hai
kabhee ye choomatee hain lab tere kabhee rukhasaar
toone zulfon ko bahut sar pe chadha rakha hai
Subscribe to:
Post Comments (Atom)
No comments