butaan-e-maahavash ujadii hui manzil mein rahate hain
ke jis kii jaan jaatii hai usii ke dil mein rahate hai
hazaaro hasarate vo hai ki roke se nahii.n rukatii
bahot armaan aise hai.n ki dil ke dil mein rahate hai
Khudaa rakkhe muhabbat ke liye aabaad dono.n ghar
mai.n un ke dil me.n rahataa huu.N vo mere dil me.n rahate hai.n
zamii.n par paa.Nv nakhvat se nahii.n rakhate parii-paikar
ye goyaa is makaa.N kii duusarii ma.nzil me.n rahate hai.n
ko_ii naam-o-nishaa.N puuchhe to ai qaasid bataa denaa
taKhallus "Daag" hai aur aashiqo.n ke dil me.n rahate hai.n
Subscribe to:
Post Comments (Atom)
No comments