agarache dil ko le saath apane aaya ashk mira
nigaah mein tiree haragiz na bhaaya ashk mira
main tere hijr mein jeene se ho gaya tha udaas
pe garm-joshee se kya kya manaaya ashk mira
hazar zarooree hai ai sarv-e-naaz is se tujhe
ki aabashaar-e-miza ka bahaaya ashk mira
hua hai kaun sai khursheed-roo se garm itana
ki mere dil ko jo aisa jalaaya ashk mira
ba-rang-e-guncha-e-afsurda ho gaya tha ye dil
so vaise murda ko pal mein jalaaya ashk mira
hua vo jab nazar-andaaz yaar ka ‘aagaah’
mujhe ye be-asaree par hansaaya ashk mira
Subscribe to:
Post Comments (Atom)
No comments