daramiyaan yon na faasile hote
kaash aise bhee silasile hote
hamane to muskara ke dekha tha
kaash voh bhee zara khile hote
zindagee to fareb detee hai
maut se kaash ham mile hote
ham zubaan par na laate baat unakee
lab hamaare agar sile hote
apanee ham kahate unakee bhee sunate
shikave rahate na phir gile hote
kaash apane udaas aangan mein
phool ummeed ke khile hote
raat ka yah saphar haseen hota
"chaand", taaron ke kaafile hote
Subscribe to:
Post Comments (Atom)
No comments