chhup ke aata hai koee khvaab churaane mere
phool har raat mahakate hain sirahaane mere
band aankhon mein meree jhaankate rahana unaka
shab banaatee hai yoon hee lamhe suhaane mere
jab bhee tanhaee mein main unako bhulaane baithoon
yaad aate hain mujhe guzare zamaane mere
jab barasate hain kabhee os ke katare lab par
jaam palakon se chhalakate hain puraane mere
yaad hai kaale gulaabon kee voh khushaboo ab tak
teree zulfon se mahak utthe the shaane mere
darab-dar dhoondhate- phirate tere kadamon ke nishaan
teree galiyon mein bhatakate hain fasaane mere
‘chaand’ sunata hai sitaaron kee zabaan se har shab
saaze-mastee mein mohabbat ke taraane mere
Subscribe to:
Post Comments (Atom)
No comments