barason gam-e-gesoo mein giraftaar to rakkha
ab kahate ho ka tum ne mujhe maar to rakkha
kuchh be-adabee aur shab-e-vasl nahin kee
haan yaar ke rookhsaar pe rookhsaar to rakkha
itana bhee ganeemat hai tiree taraf se zaalim
khidakee na rakhee rauzan-e-deevaar to rakkha
vo zabh kare ya na kare gam nahin is ka
sar ham ne tah-e-khanjar-e-khoon-khvaar to rakkha
is ishq kee himmat ke main sadaqe hoon ki ‘begam’
har vaqt mujhe marane pe tayyaar to rakkha
Subscribe to:
Post Comments (Atom)
No comments