ambar dharatee upar neeche aag barasatee takata hoon
soch rahen hain duniya vaale phir bhee kaise jinda hoon
mainne khushiyaan bech ke saaree dard khareede hain yaaro
apanee is daulat ke sadake main pahachaana jaata hoon
mere jaisa jindaadil bhee hoga kaun zamaane mein
khud ko dil ka rog laga ke haradam hansata rahata hoon
jin se mittee ka rishta hai kyon voh dhool udaate hain
jo hain meree jaan ke dushman main to unaka apana hoon
jab se maut qareeb se dekhee hai mainne in aankhon se
chaap kisee ke qadamon kee main haradam sunata rahata hoon
ek bulabula hoon paanee ka aur meree auqaat hai kya
jaanata hoon main vaqt ke haathon ek bejaan khilauna hoon
jisane gahare andhiyaare ke aage seena taana hai
main andhiyaaree raat mein raushan tanha "chaand" ka tukada hoon
Subscribe to:
Post Comments (Atom)
No comments