rah-rav-e-raah-e-mohabbat kaun see manzil mein hai
dil hai be-zaar-e-mohabbat aur mohabbat dil mein hai
kya zabaan par hai kisee kee kya kisee ke dil mein hai
jis kee mahafil hai vahee jaane vo jis mushkil mein hai
kaaravaan-e-husn-o-ishq ab tak kaheen thahara nahin
qais abhee sahara mein hai laila abhee mahamil mein hai
isharat-e-rafta ka rona kya gam-e-imaroz mein
aish-e-farda bhee vo maazee hai jo mustaqabil mein hai
rang-e-mahafil mein nazar aata hai ik rang-e-dig
teree mahafil ke siva bhee kuchh tiree mahafil mein hai
ham-safar kuchh din rahe lekin khuda jaane ki ab
ishq hai kis marahale mein husn kis manzil mein hai
manzil-e-maqsood ‘bismil’ vo nazar aane lagee
har nazar manzil pe jaise har qadam manzil mein hai
Subscribe to:
Post Comments (Atom)
No comments