kab se ulajh rahe hain dam-e-vaapasi se ham
do ashk ponchhane ko tiree aasteen se ham
hoga tumhaara naam hee unavaan-e-har-varq
auraaq-e-zindagee ko ulat den kaheen se ham
sang-e-dar-e-adoo pe hamaaree jabeen nahin
ye sajde kar rahe hain tumhaaree jabeen se ham
doharaee ja sakegee na ab daastaan-e-ishq
kuchh vo kaheen se bhool gae hain kaheen se ham
‘bismil’ hareem-e-husn mein hain kaam-yaab-e-shauq
josh-e-shabaab o rang-e-rookh-e-aatisheen se ham
Subscribe to:
Post Comments (Atom)
No comments