dhundhalee dhundhalee kisakee hai tahareer hai meree
ek adhoore khaab kee see taabeer hai meree
lamhen unake saath guzaare the jo mainne
bhoolee bisaree yaaden hee jaageer hai meree
unase milana mil ke bichhudana aahen bharana
aaeena takata hoon soorat dilageer hai meree
murjha gaye hain phool mere ghar ke gamalon mein
sookhe patton kee maanind taqadeer hai meree
yaadon kee deevaaron par hain khoon ke chheente
jaise phootee kismat kee nakseer hai meree
tere roop se jagamag chamake meree duniya
andhiyaaree raahon mein too tanaveer hai meree
teree maang mein chaand sitaaren rahen salaamat
isamen raushan khvaabon kee taabeer hai meree
Subscribe to:
Post Comments (Atom)
No comments