mere vajood mein banake diya vo jalata raha
vo ik khayaal tha roshan zahan mein palata raha
bas gaee kaale gulaabon kee vo khushaboo rooh mein
haseen yaad ka sandal tha aur mahakata raha
vo dhoop chhaanv garamee saradee na puravaee
be etabaar-sa mausam tha aur badalata raha
main jinako doobate chhod aaya tha manjhadhaaron mein
unheen kee yaad mein main umrabhar tadapata raha
vasl kee raat thee saragoshiyon ka aalam tha
jo toota khvaab to main raat bhar subakata raha
Subscribe to:
Post Comments (Atom)
No comments