rahta hai zulf-e-yaar mire man se man laga
ai naag tire haath se kya khoob man laga
dekha hai jin ne roo-e-dil-afaroz ko tire
be-shak nazar mein baag-e-iram us kee ban laga
sarasabz nit rakhenge unhen mere ashk o aah
ai nau-bahaar-e-husn jo chaahe chaman laga
seena sipar kar aaoonga kooche mein main tire
garacha raqeeb baithe hain vaan tan se tan laga
kya faeda hai qissa-e-rizavaan se tujhe
koee sham-roo paree sate too bhee lagan laga
‘aagaah’ khaar khaar judaee se hain hazeen
yak-baar too gale se use gul-badan laga
Subscribe to:
Post Comments (Atom)
No comments