saanp kee maanind voh dasatee rahee
mere aramaanon mein jo rahatee rahee
roz jalate hain gareebon ke makaan
phir yah kyon gumanaam see bastee rahee
saanjh ka sooraj tha lathapath khoon mein
maut mehandee kee tarah rachatee rahee
soonee theen galiyaan o gumasum raaste
naam kee bastee thee aur bastee rahee
na khuda the ham zamaane ke liye
apanee to manjhadhaar mein kashtee rahee
gaanv kee chaupaal jab beva huee
shahar mein shahanaee kyon bajatee rahee
gaanv ke har ghar ka ujada hai suhaag
maut dulhan kee tarah sajatee rahee
unako apane naam kee hee bhookh hai
meree rotee hee mujhe takatee rahee
saanp saanpon se gale milate rahe
aadameeat aadamee dasatee rahee
har ik ghar ka "chaand" tha jhulasa hua
munh jalee see chaandanee tapatee rahee
Subscribe to:
Post Comments (Atom)
No comments