vahii taaj hai vahii taKht hai vahii zahar hai vahii jaam hai
ye vahii Khudaa kii zamiin hai ye vahii buto kaa nizaam hai
ba.De shauq se meraa ghar jalaa koi aa.Nch na tujhape aayegii
ye zubaan kisii ne Khariid lii ye qalam kisii kaa Gulaam hai
main ye maanataa huu mere diye terii aa.Ndhiyo.N ne bujhaa diye
magar ik juganuu havaao.n me.n abhii raushanii kaa imaam hai
Subscribe to:
Post Comments (Atom)
No comments