meree maan ab mittee ke dher ke neeche sotee hai
usake jumale, usakee baaton,
jab vah zinda thee, kitana baraham (gussa) karatee thee
meree roshan tabee (udaarata), usakee jahaalat
ham donon ke beech ek deevaar thee jaise
raat ko khushaboo ka jhonka aae, jikr na karana
peeron kee savaaree jaatee hai
din mein bagoolon kee zad mein mat aana
saaye ka asar ho jaata hai
baarish-paanee mein ghar se baahar jaana to chaukas rahana
bijalee gir padatee hai- too pahalautee ka beta hai
jab too mere pet mein tha, mainne ek sapana dekha tha-
teree umr badee lambee hai
log mohabbat karake bhee tujhase darate rahenge
meree maan ab dheron man mittee ke neeche sotee hai
saanp se main behad khaahif hoon
maan kee baaton se ghabaraakar mainne apana saara zahar ugal daala hai
lekin jab se sabako maaloom hua hai mere andar koee zahar nahin hai
aksar log mujhe ahamak kahate hain .
Subscribe to:
Post Comments (Atom)
No comments