mohabbat soz bhii hai saaz bhii hai
Khaamoshii bhii hai aavaaz bhii hai
nasheman ke liye betaab taa_iir
vahaa paabandii-e-paravaaz bhii hai
Khaamoshii pe bharosaa karane vaalo
Khaamoshii Gam kaa gammaaz bhii hai
merii Khaamoshi-e-dil par na jaao
ki is mei ruuh kii aavaaz bhii hai
dil-e-begaanaa-Khuu, duniyaa mai teraa
koi hamadam koii hamaraaz bhii hai
hai meraaj-e-Khirad bhii arsh-e-aziim
junuu.N kaa farsh-e-paa a.ndaaz bhii hai
[meraaj-e-Khirad=height of inteliigence]
[arsh-e-ziim=highest (seventh) sky]
[dil-e-begaanaa-Khuu=heart which is used to belonging to others]
[gammaaz=symbol]
[taa_iir=bird; paabandii-e-paravaaz=restrictions on flight]
Subscribe to:
Post Comments (Atom)
No comments