aaj se pahale tere maston kii ye khvaarii na thii
may baDii ifraat se thii fir bhii sar-shaarii na thii
ek ham kdron kii paamaalii se rahate the malool
shukr hai yaaron ko aisii koii biimaarii na thii
jhan kii paravaaj ho yaa shauk kii raamish-garii
koii aajaadii n thii jis men giraftaarii na thii
josh thaa hangaamaa thaa mahafil men terii kyaa na thaa
ik fkt aadaab-e-mahafil kii nigah-daarii na thii
un kii mahafil men najr aae sabhii sholaa b-kaf
apane daaman men magar koii bhii chingaarii na thii
kal isii bastii men kuchh ahal-e-vafaa hote to the
is kdar ahal-e-havas kii garam-baajaarii na thii
husn kaafir thaa adaa kaatil thii baaten sehar thiin
aur to sab kuchh thaa lekin rasm-e-dil-daarii na thii
Subscribe to:
Post Comments (Atom)
No comments