door tak bas ik dhundalakaa gard-e-tanhaaii kaa thaa
raaston ko ranj merii aabalaa-paaii kaa thaa
fsl-e-gul rukhsat huii to vahashaten bhii miT gaiin
haT gayaa saayaa jo ik aaseb-e-saharaaii kaa thaa
toD hii Daalaa samandar ne tilism-e-khud-sarii
jom kyaa kyaa saahilon ko apanii pahanaaii kaa thaa
aur mubaham ho gayaa paiham mulaakaaton ke saath
vo jo ik mauhoom saa rishtaa shanaasaaii kaa thaa
khaak ban kar pattiyaan mauj-e-havaa se jaa miliin
der se 'akabar' gulon par krj puravaaii kaa thaa.
Subscribe to:
Post Comments (Atom)
No comments