koi sang-e-rah bhi chamak uthaa to sitaaraa-e-saharii kahaa
merii raat bhii tere naam thii use kis ne tiiraa-shabii kahaa
mere roj o shab bhii ajiib the n shumaar thaa n hisaab thaa
kabhii umr bhar kii khbar n thii kabhii ek pal ko sadii kahaa
mujhe jaanataa bhii koii n thaa mere be-niyaaj tere sivaa
n shikast-e-dil n shikast-e-jaan ke terii khushii ko khushii kahaa
koii yaad aa bhii gaii to kyaa koii jkhm khil bhii uThaa to kyaa
jo sabaa kriib se ho chalii use minnaton kii ghaDii kahaa
bharii do-pahar men jo paas thii vo tere khyaal kii chhaanv thii
kabhii shaakh-e-gul se misaal dii kabhii us ko sarv-e-samanii kahaa
kahiin sang-e-rah kahiin sang-e-dar ke main pattharon ke nagar men hoon
ye nahiin ke dil ko khbar n thii ye bataa ke munh se kabhii kahaa
mere harf harf ke haath men sabhii aainon kii hain kirachiyaan
jo jbaan se ho n sakaa 'adaa' b-hudood-e-be-sukhnii kahaa
Subscribe to:
Post Comments (Atom)
No comments