gulon ko chhoo ke shamiim-e-duaa nahiin aaii
khulaa huaa thaa dariichaa sabaa nahiin aaii
havaa-e-dasht abhii to junoon kaa mausam thaa
kahaan the ham terii aavaaj-e-paa nahiin aaii
abhii sahiifaa-e-jaan par rakm bhii kyaa hogaa
abhii to yaad bhii be-saakhtaa nahiin aaii
ham itanii door kahaan the ke fir palaT n saken
savaad-e-shahar se koii sadaa nahiin aaii
sunaa hai dil bhii nagar thaa rasaa basaa bhii thaa
jalaa to aanch bhii ahal-e-vafaa nahiin aaii
n jaane kaafile gujre ke hai kyaam abhii
abhii charaag bujhaane havaa nahiin aaii
bas ek baar manaayaa thaa jashn-e-maharoomii
fir us ke baad koii ibtilaa nahiin aaii
hatheliyon ke gulaabon se khoon ristaa rahaa
magar vo shokhii-e-rang-e-hinaa nahiin aaii
guyoor dil se n maangii gaii muraad 'adaa'
barasane aap hii kaalii ghaTaa nahiin aaii
Subscribe to:
Post Comments (Atom)
No comments