mohabbat hai ajiiyat hai hujoom-e-yaas-o-hasarat hai
javaanii aur itanii dukh bharii kaisii kyaamat hai
vo maajii jo hai ik majamuaa ashkon aur aahon kaa
n jaane mujh ko is maajii se kyoon itanii mohabbat hai
lab-e-dariyaa mujhe laharon se yoonhii chahal karane do
ke ab dil ko isii ik shugl-e-be-maanii men raahat hai
teraa afsaanaa ai afsaanaa-khvaan rangiin sahii mumakin
mujhe roodaad-e-isharat sun ke ro dene kii aadat hai
koii roe to main be-vajah khud bhii rone lagataa hoon
ab 'akhtar' chaahe tum kuchh bhii kaho ye merii fitarat hai
Subscribe to:
Post Comments (Atom)
No comments