log sau rang badalate hain lubhaane ke liye
kitane hote hain jatan dil kii bujhaane ke lie
raah ruk jaatii hai jismon kii hadon tak jaakar
fir muhabbat kaa safr khtm jmaane ke lie
chand lamhon men kiyaa chaahenge barason kaa hisaab
kisako furasat hai yahaan saath nibhaane ke lie
pyaar karate hain chhupaate hain gunaah ho jaise
kaun taiyaar hai iljaam uThaane ke lie
kaise mumakin hai ke har moD pe mil jaaen ‘ajiij’
jindagii kam hai jinhen apanaa banaane ke lie
Subscribe to:
Post Comments (Atom)
No comments