kaanTaa saa jo chubhaa thaa vo lau de gayaa hai kyaa
ghulataa huaa lahoo men ye khurshiid saa hai kyaa
palakon ke biich saare ujaale simaT gae
saayaa n saath de ye vahii marahalaa hai kyaa
main aandhiyon ke paas talaash-e-sabaa men hoon
tum mujh se poochhate ho meraa hausalaa hai kyaa
saagr hoon aur mauj ke har daaere men hoon
saahil pe koii naksh-e-kdam kho gayaa hai kyaa
sau sau tarah likhaa to sahii harf-e-aarajoo
ik harf-e-aarajoo hii merii intihaa hai kyaa
ik khvaab-e-dil-pajiir ghanii chhaanv kii tarah
ye bhii nahiin to fir merii janjiir-e-paa hai kyaa
kyaa fir kisii ne krj-e-muravvat adaa kiyaa
kyoon aankh be-savaal hai dil fir dukhaa hai kyaa
Subscribe to:
Post Comments (Atom)
No comments