vahii chitavan kii khoon-khvaarii jo aage thii so ab bhii hai
tirii aankhon kii biimaarii jo aage thii so ab bhii hai
vahii nash-o-numaa-e-sabjaa hai gor-e-gariibaan par
havaa-e-charkh jangaarii jo aage thii so ab bhii hai
taalluk hai vahii taa haal in julfon ke saude se
salaasil kii giraftaarii jo aage thii so ab bhii hai
vahii sar kaa paTakanaa hai vahii ronaa hai din bhar kaa
vahiin raaton kii bedaarii jo aage thii so ab bhii hai
rivaaj-e-ishk ke aaiin vahii hain kishvar-e-dil men
rah-o-rasm-e-vafaa jaarii jo aage thii so ab bhii hai
vahii jii kaa jalaanaa hai pakaanaa hai vahii dil kaa
vo us kii garm-baajaarii jo aage thii so ab bhii hai
niyaaj-e-khaadimaanaa hai vahii fjl-e-ilaahii se
buton kii naaj-baradaarii jo aage thii so ab bhii hai
firaak-e-yaar men jis tarah se marataa thaa marataa hoon
vo rooh o tan kii bejaarii jo aage thii so ab bhii hai
junoon kii garm-joshii hai vahii diivaanon se apanii
vahii daagon kii gul-kaarii jo aage thii so ab bhii hai
vahii baajaar-e-garmii hai mohabbat kii hunooj ‘aatish’
vo yoosuf kii khriidaarii jo aage thii so ab bhii hai
Subscribe to:
Post Comments (Atom)
No comments