khud hijaabon saa khud jamaal saa thaa
dil kaa aalam bhii be-misaal saa thaa
aks meraa bhii aainon men nahiin
vo bhii kaifiyat-e-khyaal saa thaa
dasht men saamane thaa khemaa-e-gul
dooriyon men ajab kamaal saa thaa
be-sabab to nahiin thaa aankhon men
ek mausam ke laa-jvaal saa thaa
khauf andheron kaa Dar ujaalon se
saanehaa thaa to hasb-e-haal saa thaa
kyaa kyaamat hai hujlaa-e-jaan men
us ke hote hue malaal saa thaa
jis kii jaanib 'adaa' najr n uThii
haal us kaa bhii mere haal saa thaa
Subscribe to:
Post Comments (Atom)
No comments