charkh se kuchh umeed thi hi nahin
aarju main ne koii ki hi nahin
majhabii bahas main ne kii hii nahin
faalatoo akal mujh mein thii hi nahin
chaahataa thaa bahut sii baaton ko
magar afsos ab vo jii hii nahiin
juraat-e-arj-e-haal kyaa hotii
najr-e-lutf us ne kii hii nahiin
is musiibat men dil se kyaa kahataa
koii aisii misaal thii hii nahiin
aap kyaa jaanen kdr-e-'yaa-allaah'
jab musiibat koii paDii hii nahiin
shirk chhoDaa to sab ne chhoD diyaa
merii koii sosaaiTii hii nahiin
poochhaa ‘akabar’ hai aadamii kaisaa
hans ke bole vo aadamii hii nahiin
Subscribe to:
Post Comments (Atom)
No comments