har gaam sanbhal sanbhal rahii thii
yaadon ke bhanvar men chal rahii thii
saanche men khbar ke Dhal rahii thii
ik khvaab kii lau se jal rahii thii
shabanam sii lagii jo dekhane main
patthar kii tarah pighal rahii thii
roodaad safr kii poochhate ho
main khvaab men jaise chal rahii thii
kaifiyat-e-intijaar-e-paiham
hai aaj vahii jo kal rahii thii
thii harf-e-duaa sii yaad us kii
janjiir-e-firaak gal rahii thii
kaliyon ko nishaan-e-rah dikhaa kar
mahakii huii raat Dhal rahii thii
logon ko pasand lagjish-e-paa
aise men 'adaa' sanbhal rahii thii
Subscribe to:
Post Comments (Atom)
No comments