har ek harf-e-aarajoo ko daastaan kiye hue
jmaanaa ho gayaa hai un ko mahamaan kiye hue
suroor-e-aish talkhi-e-hayaat ne bhulaa diyaa
dil-e-hajiin hai bekasii ko hijr-e-jaan kiye hue
kalii kalii ko gulistaan kiye hue vo aayenge
vo aayenge kalii kalii ko gulistaan kiye hue
sukoon-e-dil kii raahaton ko un se maang loon
sukoon-e-dil kii raahaton ko bekaraan kiye hue
vo aayenge to aayenge junoon-e-shauk ubhaarane
vo jaayenge to jaayenge tabaahiyaan kiye hue
main un kii bhii nigaah se chhupaa ke un ko dekh loon
ki un se bhii hai aaj rashk badagumaan kiye hue
Subscribe to:
Post Comments (Atom)
No comments