yahaan se dard kaa khaamosh samandar le jaa
kuchh nahiin hai to fkt yaad ke patthar le jaa
pyaar ban-ban ke barasatii hai lipaT jaatii hai
ye vo miTTii hai ise jism pe mal kar le jaa
fool tapate hue saharaa men bhii khil jaate hain
apanii aankhon men chhupaa kar yahii manjr le jaa
sar chhupaane kii jagah tujhako mile yaa n mile
chaahe paiband sahii ghar se ye chaadar le jaa
aise mausam men parinde to n aaenge ‘ajiij’
pichhale mausam ke bache par hii uThaa kar le jaa
Subscribe to:
Post Comments (Atom)
No comments