fool soonghe jaane kyaa yaad aa gayaa
dil ajab andaaj se laharaa gayaa
us se poochhe koii chaahat ke maje
jis ne chaahaa aur jo chaahaa gayaa
ek lamhaa ban ke aish-e-jaavedaan
merii saarii jindagii par chhaa gayaa
gunchaa-e-dil hai kaisaa gunchaa thaa
jo khilaa aur khilate hii murajhaa gayaa
ro rahaa hoon mausam-e-gul dekh kar
main samajhataa thaa mujhe sabr aa gayaa
ye havaa ye barg-e-gul kaa ehatijaaj
aaj main raaj-e-musarrat paa gayaa
'akhtar' ab barasaat rukhsat ho gaii
ab hamaaraa raat kaa ronaa gayaa
Subscribe to:
Post Comments (Atom)
No comments