ghar kaa rastaa bhii milaa thaa shaayad
raah men sang-e-vafaa thaa shaayad
is kdar tej havaa ke jhonke
shaakh par fool khilaa thaa shaayad
jis kii baaton ke fsaane likkhe
us ne to kuchh n kahaa thaa shaayad
log be-mehar n hote honge
vaham saa dil ko huaa thaa shaayad
tujh ko bhoole to duaa tak bhoole
aur vahii vakt-e-duaa thaa shaayad
khoon-e-dil men to Duboyaa thaa klam
aur fir kuchh n likkhaa thaa shaayad
dil kaa jo rang hai ye rang-e-'adaa'
pahale aankhon men rachaa thaa shaayad
Subscribe to:
Post Comments (Atom)
No comments