samajhe vahii isko jo ho diivana kisii kaa
'akabar' ye gjl merii hai afsaanaa kisii kaa
gar shaikh-o-baharaman sunen afsaanaa kisii kaa
maabad n rahe kaabaa-o-butakhaanaa kisii kaa
allaah ne dii hai jo tumhe chaand-sii soorat
raushan bhii karo jaake siyahakhaanaa kisii kaa
ashk aankhon men aa jaaen evaj niind ke saahab
aisaa bhii kisii shab suno afsaanaa kisii kaa
isharat jo nahiin aatii mere dil men, n aae
hasarat hii se aabaad hai viiraanaa kisii kaa
karane jo nahiin dete bayaan haalat-e-dil ko
suniegaa lab-e-gaur se afsaanaa kisii kaa
koii n huaa rooh kaa saathii dam-e-aakhir
kaam aayaa n is vakt men yaaraanaa kisii kaa
ham jaan se bejaar rahaa karate hain 'akabar'
jab se dil-e-betaab hai diivaanaa kisii kaa
Subscribe to:
Post Comments (Atom)
No comments