badan se rishtaa-e-jaan motabar na thaa meraa
main jis men rahataa thaa shaayad vo ghar n thaa meraa
kriib hii se vo gujraa magar khbar n huii
dil is tarah to kabhii be-khbar n thaa meraa
main misl-e-sabjaa-e-begaanaa jis chaman men rahaa
vahaan ke gul na the mere samar na thaa meraa
na raushanii na haraarat hii de sakaa mujh ko
paraaii aag men koii sharar n thaa meraa
jmiin ko roo-kash-e-aflaak kar diyaa jis ne
hunar thaa kis kaa agar vo hunar n thaa meraa
kuchh aur thaa merii tashkiil o irtikaa kaa sabab
madaar sirf havaaon pe gar n thaa meraa
jo dhoop de gayaa mujh ko vo meraa sooraj thaa
jo chhaanv de n sakaa vo shajar n thaa meraa
nahiin ke mujh se mere dil ne be-vafaaii kii
lahoo se rabt hii kuchh motabar n thaa meraa
pahunch ke jo sar-e-manjil bichhaD gayaa mujh se
vo ham-safr thaa magar ham-najr n thaa meraa
ik aane vaale kaa main muntajir to thaa 'akabar'
har aane vaalaa magar muntajir n thaa meraa.
Subscribe to:
Post Comments (Atom)
No comments