gam-e-hayaat kahaani hai kissaa-khvaa hoon main
dil-e-sitam-jdaa hai raaj-daan hoon main
jyaadaa is se koii aaj tak bataa na sakaa
ke ek nuktaa-e-naa-kaabil-e-bayaan hoon main
najr ke saamane kaundii thii ek bijalii sii
mujhe bataao khudaaraa ke ab kahaan hoon main
khijaan ne looT liyaa gulashan-e-shabaab magar
kisii bahaar ke aramaan men javaan hoon main
ye kah rahii hai najr kii gm-e-aafriin jumbish
kisii ke dil kii tabaahii kii daastaan hoon main
khijaan kahatii thii main shokhii-e-bahaaraan hoon
bahaar kahatii hai rangiinii-e-khijaan hoon main
shabaab naam hai us jaan-navaaj lamhe kaa
jab aadamii ko ye mahasoos ho javaan hoon main
jahaan-e-dard-o-alam poojataa hai mujh ko aah
tapish-e-jabiin hai lahoo sajadaa aastaan hoon main
vo din bhii the ke main jaan-e-shabaab thaa 'akhtar'
ab apane ahad-e-javaanii kii daastaan hoon main
Subscribe to:
Post Comments (Atom)
No comments