chaar dinon kii umar milii hai aur faasale janmon ke
itane kachche rishte kyoon hain is duniyaa men apano ke
sirf muhabbat kii duniyaa men saarii jbaanen apanii hain
baakii bolii apanii-apanii khel tamaashe lafjon ke
aankhon ne aankhon ko pal men jaane kyaa-kyaa kah Daalaa
khaamoshii ne khol diye hain raaj chhupe sab barason ke
abake saavan aisaa aayaa dil hii apanaa Doob gayaa
ashkon ke sailaab men gum hai gaanv hamaare sapanon ke
kisii manachalii mauj ne aakar itane fool khilaa Daale
koii paagal lahar le gaii saare gharaunde bachchon ke
naii havaa ne duniyaa badalii sur-sangiit badal Daale
ham aashik‘aajaad’hain ab bhii unhiin puraane nagamon ke
Subscribe to:
Post Comments (Atom)
No comments