ghuTan ajaab-e-badan kii na meri jaan men laa
badal ke ghar meraa mujh ko mere makaan men laa
merii ikaaii ko ijhaar kaa vasiilaa de
merii najr ko mere dil ko imtihaan men laa
sakhii hai vo to sakhaavat kii laaj rakh legaa
savaal arj-e-talab kaa n daramiyaan men laa
dil-e-vajood ko jo chiir kar gujr jaae
ik aisaa tiir too apanii kaDii kamaan men laa
hai vo to hadd-e-giraft-e-khyaal se bhii pare
ye soch kar hii khyaal us kaa apane dhyaan men laa
badan tamaam usii kii sadaa se goonj uThe
talaatum aisaa koii aaj merii jaan men laa
charaag-e-raah-gujr laakh taab-naak sahii
jalaa ke apanaa diyaa raushanii makaan men laa
b-rang-e-khvaab sahii saarii kaainaat 'akabar'
vajood-e-kul ko n andeshaa-e-gumaan men laa.
Subscribe to:
Post Comments (Atom)
No comments